kagiatan romadhon “NGABUBURIT” yèn patalimarga di dèsana dijadikeun tempat wisata kuliner tèh nilik tina Pasar Plrèrèd jadi kuliner lima taun katukang. Malahan jalur ieu dipakè tempat tajil ngabuburit unggal taunna dina bulan romadhon."
PURWAKARTA – www.wartasunda.onlinè,
STATSION Plèrèd lian ti tempat pangjugjugan ti para wisatawan, ogè tempat wisat kuliner, komo dina bulan romadhon ieu. Saperti halna redaksi luha-loho ngabuburit di statsion Plèrèd poè ka lima romadhon.
Kaayaan patalimarga ti mimiti waktu wanci tunggang gunung (16.00 - 17.00 WIB) nepika wanci èrang-èrang (17.30 – 18.00 WIB) antara patalimarga ti Cianting mula geus katingali macetna tepika lokasi wisata kuliner Statsion Plèrèd. Ti mimiti gerbang Dèsa Babakansari Kecamatan Plèrèd, nu ngadon ngabuburit geus dibagèakeun ku pemandangan tukang dagang geus ngajajar deuket erel kareta api tepi ka tungtung.
Tèmbong sagala kadaharan ti mimiti ngaran dahareun keur budak tur keur kolot. Poma kadaharan nu dipikaresep ku budak mah pada moro ku nu ngadon ngabuburit, saperti halna tukang siomay nalika diwawancaraan ku redaksi.
Wastana Engkus (37), urang Dèsa Liunggunung ngahaja jualan siomay di wisata kuliner Plèrèd utamana mah dina bulan puasa ieu geus uggal taun jualan. Dina poèan puasa ka lima, Engkus tina hasil jualan siomay èta beubeunangan sapoèna aya kana 300 rebu, nu ngawengku modalna 170 rebu, bersihna 130 rebu.
Disageengeun èta, redaksi ningali sesedek milu ngamera kondisi patalimarga Dèsa Babakansari, tèmbong motor-mobil pabuis jeung nu ngabuburit, antukna tugas karang taruna ngatur patalimarga èta. Dina liputan èta, pihak perwakilan Karang Taruna Dèsa Babakansari ngajelaskeun kaayaan patalimargana.
Perwakilan Karang Taruna, wastana Conang (32) nu milu ngatur asup-kaluarna kendaraan mobil-motor ngajelaskeun yèn tempat parkirna tèh aya opat titik nu dilola tèh. Lian ti èta harga tiket parkirna tèh per motor Rp. 2.000 perak. Keur mobil mah 5.000 perak. Tina karcis parkir èta, pihak karang taruna nyisihkeun keur linmas Dèsa Sindangsari.
“Tina sisi keamanan pengunjung, pihak karang truna ngalibetkeun rekan-rekan anggotana ilu biung dina ngatur tur ngajaga tempat ngabuburit,” poknna Conang.
Dina kasempetan èta ogè, Kepala Dèsa Babakansari, Yaya Sunarya ka www.wartasunda.onlinè ngeceskeun ngeunaan kagiatan romadhon “NGABUBURIT” yèn patalimarga di dèsana dijadikeun tempat wisata kuliner tèh nilik tina Pasar Plrèrèd jadi kuliner lima taun katukang. Malahan jalur ieu dipakè tempat tajil ngabuburit unggal taunna dina bulan romadhon.
“Jajanan tajil ieu pihak pedagang ngajual rinneka kadaharan husus bulan romadhon saperti kolek, bandros, siomat, sosis bakar, Jasuke, Cilor, Batagor, baso bakarjeung nu liana, malahan icon Sate Marangi ogè jadi jugjugan wisatawan local jeung mancanagara,” pokna Yaya.
Nu jadi kareueusna dina ngabuburit di wilayah kerjana, pihak Karang Taruna na sapuk ngilu aub dina ngamankeun jalur patalimarga tina urusan perparkiran pengunjung, urusan meta-metakeun para pedagang ogè keamanan pengunjung sangkan tong nepika cilaka. “Malah mandar ti mimiti gerbang Jembatan Gonggo, pihak Linmas geus siap sadia tina jalur nu aman. Kituna ogè pihakna ngarasa ka bantos ku Karang Taruna tina keamanan ngokolakeun sarana parkir kendaraan disadiakeun opat titik. Kajaba tina lading parkrr èta, nyisihkeun keur anggota linmas kanggo jaga piket malam,” pokna Kadès Babakansari mungkas wangkongan jeung Warta Sunda Onlinè, poè Ahad ping 17/4/2021 di Statsion Plèrèd, Purwakarta, Jawa Barat, Indonèsia.
Sedengkeun ceuk salahsaurang pengunjung, wasta Jajang, warga Batujajar Dèsa Sukatani, Purwakarta, dirina jajap istri jeung anakna ngabuburit di wewengkon Dèsa Babakansari, Plèrèd ieu sering, malahan unggal poè. Lantaran seueurna jajanan tajil. "Ngan anjeunna kumalasepa ku jalur ti Cianting mula nepika lokasi wisata tajil ayeuna tambah macer," pokna.***
Tim Redaksi : A.Mugian/AS.*
Komentar