JATILUHUR – Warta Sunda Nusantara,
|
M |
asih dina kaayaan suasana pandemi
Covid-19, sagala kagiatan tangtu rada kahambat saperti halna kagiatan
kepanduan nu dibungkus ku kagiatan Kursus Mahir
Dasar (KMD) jeung Istrénan Sako Ma’arif Nadhatul Ulama (NU) nepi ka disiasati
ku virtual, sangkan tetep lumangsung. Lantaran kagiatan éta téh geus dianggalna
saméméh covid-19 datang. Tungtungna pihak panatacalagara ngalumangsungkeun acara
sacara virtual.
“Ngan tetep nyuhun arahan ti pihak Kwartir Cabang (Kwarcab) nepi ka ayeuna lumangsung KMD Sacara Virtual ti ping 24 September dugika 30 September 2020.” Kitu ceuk Ketua Panatacalagara KMD Virtual 2020, Abad Badrudin ka Warta Sunda Nusantara via whattApp, Salasa (29/9/2020).
Nurutkeun Abad, yén acara nu saperti kitu téh dibuka langsung ku Sekretaris Kwarcab Purwakarta, Kak. Wahyu Wibiesono. “Dina arahanna yén KMD téh dina raraga ngalatih jeung ngamekarkeun keterampilan Pembina Pramuka utamana dina widang keterampilan tehnik kepramukaan tur dibekelan kaélmuan kepramukaan.” Kitu basa nirukeun omongan Kak Wibi.
Malahan kagiatan KMD sacara virtual éta dibagi 6 (genep) zona nu ngawengku diantarana : Zona 1 : Purwakarta – Pasawahan, Zona 2 : Campaka, Cibatu, Babakancikao sarta Bungursari. Zona 3 : Wanayasa, Pondoksalam jeung Kiarapedes. Zona 4 : Darangdan – Bojong. Zona 5 : Pléréd, Maniis, Sukatani jeung Tegalwaru. Sarta Zona 6 : Jatiluhur – Sukasari. Lian ti éta materi nu dipasihannana nganggo sacara virtual.
Dina kagiatan KMD Virtual éta, panatacalagara gawé bareng sareng Pusat Pendidikan dan Latihan Cabang (Pusdiklatcab) Kabupatén Purwakarta.
Ditempat anu béda Kepala Pusat Pendidikan dan Latihan Cabang (Pusdiklatcab) Kabupatén Purwakarta, Kak Tri Kurniati, nyebutkeun yén hiji-hijina acara KMD sacara Virtual sa-Jawa Barat dipitembeyan di Kabupatén Purwakarta. Ngamangpaatkeun situasi Covid-19 ku ngalumangungkeun KMD Virtual 2020 sarta isténan Satuan Komunitas Al-Ma'arif NU Purwakarta.
Kak Tri, leuwih ngajelaskeun kana teknis KMD Virtual, saperti halna KMD téh sacara During jeung Luring. Ngan KMD nu Daring mah dibagi 6 zona nya éta Zona 1 : Purwakarta – Pasawahan, Zona 2 : Campaka, Cibatu, Babakancikao sarta Bungursari. Zona 3 : Wanayasa, Pondoksalam jeung Kiarapedes. Zona 4 : Darangdan – Bojong. Zona 5 : Pléréd, Maniis, Sukatani jeung Tegalwaru. Sarta Zona 6 : Jatiluhur – Sukasari.
Sedengkeun dina during mah dipandu ku 7 urang nu
ngawengku diantarana Pinsus : Kak Yani, Pelatih Siaga : Kak IKa sareng Heri. Pelatih
Penggalang : Kak Ade Suhayat sareng Kak Tri Kurniati. Sarta Pelatih Penegak : Kak
Hedi sareng Kak Narkum.
Disagedengeun éta, yén Pelatih Luring diantarana Pelatih Siaga : Kak IKa sareng Heri, Pelatih Penggalang Ka Sukiman, Kak Nurul sarta Kak Amir. Pelatih Penegak : Kak Hedi, Uhan, Sapudin, Yantika Dewi, Ardi Qurnaén, Didin Saépudin, sarta Kak Uyat.
Dina hal ieu mah materina umum nu ditepikeun sarua
jeung nu biasa, ngan nu ngabentenkeunana mah, tina during mah pamilo dipoto
luyu sareng arahan pelatih, saterasna 2 – 3 poé diteras kana Luring langkung diefektikeun
deui, sabab KMD kedah seueur praktek, nyatana dina luring (tatap muka).
Nurutkeun data nu dikumpulkeun ku redaksi yén pamilon
nu milu aub kana éta kagiatan téh aya kana 50 urang nu diwatés ku panitia sarta
tetep ngajalankeun protokolér kaséhatan.***
Komentar